啟程

人生有好多唔同的自由,財務自由,時間自由,精神自由,身體自由。而當中財務自由我認為係最首要的,因為要先達成到佢你先可以達成到其他果幾種自由。
試想像當你每個月都要為錢而煩惱的時候,你又怎會去追求精神上的提升,去鍛煉身體維持健康以及抽時間去陪伴你的家人呢？所以金錢上的自由是一切的開端。

咁究竟,財務自由是什麼呢？

最最簡單的定義,是由<富爸爸,窮爸爸>的作者,我財務上的啟蒙老師,羅伯特·清崎提出的(或者唔係佢提出,但至少係由佢發揚光大,哈哈)。羅伯特認為財務自由就是你的被動收入要大於你的支出。而所謂被動收入就是所有你不用親身去做就可以得到既收入,常見的例子就有租金,股息,自己運行的生意,甚至專利權的收益等等。
再簡單來說就是你不再需要工資來維持你的生活。

就係呢一個概念成為了我財務上的啟蒙,係讀呢本書之前的我都是認為自己是要做到65歲才退休,然後靠積蓄同埋仔女的供養來過活,完全沒有財務自由的想法。

而係我接觸到呢本書之後其實並無立刻行動的(後悔),係直到呢一兩年,偶然機會先再睇返。

然後我亦上過股票投資的班,睇過理財的書,到最近發現到blogspot呢個好地方。呢度好多高手前輩的分享,只係睇左好短的時間已經對我產生唔少影響,其中一個就係令我開始左呢個blog(哈哈哈哈)希望分享之餘亦可以將我的財務計劃好好整理,再向各位前輩學習。